Dagskrá sumarsins 2019 kynnt

Við kynnum með stolti Sumartónleikaröð Bláu kirkjunnar 2019

Reynir Hauksson

3. júlí – Reynir Hauksson – Klassísk og flamenco

Reynir Hauksson hóf nám í Tónlistarskóla FÍH 2010 eftir að hafa spilað á hljóðfæri frá barnsaldri. Reynir lauk þar burtfararprófi í klassískum gítarleik auk þess sem hann lagði stund á rafgítarleik og kennaranám. Námið nýttist vel og stuðlaði að sterkum og fjölbreyttum grunni í tónlist, sem hefur stuðlað að margbreytilegum verkefnum innan tónlistar. Reynir hefur fengist mikið við hljóðversvinnslu, gefið út 3 plötur með hljómsveitunum Þoka og Eldberg sem innihalda hans eigin tónsmíðar, frá framsæknu rokki yfir í rólegri tónlist undir áhrifum frá Jazz og þjóðlagatónlist auk þess að hafa leikið inn á plötur hjá öðrum. Reynir hefur stýrt upptökum og séð um eftirvinnslu sjálfur. Hvað tónleikahald varðar hefur hann haldið gítar einleikstónleika í Flamenco-, klassískri- og frjálsri spuna tónlist víða um Ísland, Noreg og Spán. Einnig hefur hann spilað á stórum tónleikum með eigin tónsmíðum með fjölmennum hljómsveitum. Veturinn 2015-2016 flutti Reynir til Noregs í áframhaldandi tónlistarnám með aðal áherslu á hljóðfæri sem hann hannaði og smíðaði sem nefnt er Guituello. Það hljóðfæri er sambland af rafgítar og selló, leikið að öllu jöfnu með boga.

Efnisskrá

Tonos Levantinos – Paco Peña
Aires de Puerto Real – Sabicas
Como Bailan los Caballos – Reynir Hauksson
Alegrías – Reynir Hauksson
Rondeña – Reynir Hauksson
Aires Choqueros – Paco de Lucia
Asturias – Isaac Albéniz
Granada – Isaac Albéniz
San Matias – Reynir Hauksson
Vísur Vatnsenda Rósu – Þjóðlag, úts. Reynir Hauksson
Gitanos de Lucía – Vicente Amigo

Berta Dröfn og Sigurður Helgi

10. júlí – Berta Dröfn & Sigurður Helgi flytja Händel & Heimskringlu

Berta Dröfn Ómarsdóttir sópran og Sigurður Helgi Oddsson píanóleikari flytja aríur úr óperunni Alcina eftir Händel og ljóðaflokkinn Heimskringlu eftir Tryggva M. Baldvinsson við ljóð Þórarins Eldjárn. 

Berta útskrifaðist með láði eftir mastersnám í söng á Ítalíu, árið 2016. Eftir útskrift hefur hún sungið m.a. í Carnegie Hall í New York og í Scala óperunni í Mílanó. 

Sigurður Helgi lauk burtfararprófi í píanóleik frá Tónlistarskólanum á Akureyri árið 2004 og BM gráðu summa cum laude frá Berklee College of Music árið 2011. Hann starfar nú sem píanóleikari við Söngskólann í Reykjavík. 

Efnisskrá

Aríur Morgana from Alcina by Händel
O s’apre al riso
Tornami a vagheggiar
Ama, sospira
Credete al mio dolore
From Heimskringla
Öfugumeginframúrstefnan
Hvar ertu?
Fingurbjörg
Vont og gott
Heimskringla
Kata er best
Korr í ró
Grýla og Leppalúði

Auður Gunnars, Eva Þyrí og Bjarki

17. júlí – Auður Gunnars, Eva Þyri & Bjarki / Saga íslenska sönglagsins

Dagskráin sem við ætlum að flytja er helguð íslenska sönglaginu frá upphafi og fram á þennan dag. Við völdum lögin í samráði við Bjarka Sveinbjörnsson en hann mun segja skemmtilegar sögur fullar af fróðleik á milli þess sem við flytjum lögin. Við komum víða við og flytjum meðal annars fyrsta íslenska veraldlega sönglagið.

Þessi dagskrá er fyrir alla sem vilja njóta fegurðar íslenska sönglagsins og fræðast um leið upp úr hvaða jarðvegi þau spruttu.

Auður Gunnarsdóttir lauk 8. stigi í söng frá Söngskólanum í Reykjavík vorið 1991. Árið 1992 hélt hún til Stuttgart þar sem hún stundaði framhaldsnám við tónlistarháskólann og lauk árið 1995 Diplomaprófi frá Ljóðadeild, 1996 M.A. prófi frá óperudeild, 1997 M.A. frá einsöngvaradeild.

Að loknum prófum frá Tónlistarskólanum í Reykjavík stundaði Eva Þyri Hilmarsdóttir nám við Det Jyske Musikkonservatorium í Árósum, Danmörku, og lauk þaðan einleikaraprófi. Að því loknu nam hún við The Royal Academy of Music í London, en þaðan útskrifaðist hún með hæstu einkunn, hlaut heiðursnafnbótina DipRAM og The Christian Carpenter Piano Prize fyrir framúrskarandi lokatónleika.

Bjarki Sveinbjörnsson (f. 1953) útskrifaðist sem tónmenntakennari frá Tónlistarskólanum í Reykjavík vorið 1976. Hann stundaði framhaldsnám í Bandaríkjunum (1979-1981) og við Aalborg Univeristet í Danmörku 1989-1998) þar sem hann lauk doktorsnámi í tónvisindum 1998. Helsta fræðasvið hans er saga íslenskrar tónlistar.

Efnisskrá

Andvarp
Árniðurinn
Draumalandið
Gígjan
Ég lít í anda
Leitin
Í dag skein sól
Vöggukvæði
Fuglinn í fjörunni
Únglíngurinn í skóginum
Haldiðún Gróa hafi skó
Klementínudans
Vor
Krummi

Des Sonans

24. júlí – Dea Sonans / latintónlist – kammerdjass

Kvartettinn Dea Sonans var stofnaður snemma árs 2018 af fjórum tónlistarkonum. Hann er tilkominn í kjölfar tónleikaraðarinnar Freyjujazz sem hefur það að markmiði að auka sýnileika og tækifæri kvenna á djassgrundvelli. Tónleikaröðin vann til verðlauna á Íslensku tónlistarverðlaununum sem Tónlistarviðburður ársins í flokki Djass & Blús árið 2017.
Kvartettinn spilar aðallega tónlist eftir meðlimi hans. Tónlistin er af fjölbreyttum toga, allt frá latintónlist til rólegs kammerdjass. Hún er í senn lýrísk og aðgengileg og bæði sungin og instrumental.

Alexandra Kjeld, kontrabassi og söngur 

Rósa Guðrún Sveinsdóttir, saxófónn/þverflauta og söngur 

Sigrún Kristbjörg Jónsdóttir, básúna/fiðla/slagverk og söngur 

Sunna Gunnlaugsdóttir, píanó 

Aldís Fjóla

31. júlí – Aldís Fjóla / ballöður – elektrópopp

Aldís Fjóla er tónlistarkona frá Borgarfirði eystra. Hún hefur komið víða við á sínum tónlistarferli og hefur komið fram á tónleikum víða um landið. Í fyrra hóf Aldís Fjóla samstarf við Stefán Örn Gunnlaugsson og er hún nú að vinna að sinni fyrstu sólóplötu með sínu eigin efni. Tónlist Aldísar Fjólu spannar frá rólegum ballöðum upp í elektrópopp. Á tónleikunum í Bláu kirkjunni mun Aldís Fjóla ásamt hljómsveit sinni spila sitt eigið efni í bland við nokkur af hennar uppáhalds lögum.  

Hlín og Ögmundur

7. ágúst – Hlín Pétursdóttir Behrens sópransöngkona og Ögmundur Þór Jóhannesson gítarleikari

“Með sól í hjarta á sumarnótt”

Hlín Pétursdóttir Behrens sópransöngkona og Ögmundur Þór Jóhannesson gítarleikari flytja íslenska tónlist auk verka frá Bretlandi, Spáni og Brasilíu.  Glettni og angurværð skiptast á í útgáfum Benjamins Britten af söngvum heimalands síns og þjóðlög í útsetningu F. Garcia-Lorca og M. de Falla birta heillandi  hugarheim og tónmál Spánar. Örnólfur Þór leikur einleiksverk á tónleikunum í samhengi við sönglögin og eru Villa-Lobos innblásin af tónlist  J.S. Bach og er suðræni hluti tónleikanna rammaður inn í Preludíur eftir tónskáldin. Þá verða fluttir söngvar eftir Ólöfu Arnalds og Þuríði Jónsdóttur.  2018 var haldin keppni um kórlag í tilefni fullveldishátíðar en sigurlagið “Landið mitt” eftir Jóhanns G. Jóhannsson verður flutt ásamt tveimur öðrum sem send voru í keppnina.

Efnisskrá

Fairest Isle
If love´s a sweet passion
I will give my love an apple
Sailor-boy
Master Kilby
The Soldier and the Sailor
Bonny at Morn
The Shooting of his Dear
Lachrimae Pavan
Come Again
O you whom I often
Landið mitt
Sumarnótt
Með sól í hjarta
Skjaldborg
Náttsöngur
Bachiana Brasileira no. 5
Prelude no. 1
Prelude no. 2
Canciones antiguas
Anta jaleo
Las morillas de Jaèn
Sevillanas de siglo XVIII
Los pelegrinitos
Los reyes de la baraja